محسن نقوی

پَل بھر کو مِل کے اجرِ شِناسائی دے گیا
اِک شخص، ایک عُمر کی تنہائی دے گیا

آیا تھا شوقِ چارہ گری میں کوئی، مگر
کچھ اور دِل کے زخم کو گہرائی دے گیا

بچھڑا، تو دوستی کے اثاثے بھی بَٹ گئے
شہرت وہ لے گیا، مجھے رُسوائی دے گیا

کِس کی برہنگی تِری پوشاک بن گئی ؟
کِس کا لہُو تھا، جو تجھے رعنائی دے گیا

اب گِن رہا ہُوں چاک گریباں کی دھجّیاں
دِیوانگی کا شوق یہ دانائی دے گیا

تیرے بدن کا لمس، کہاں یاد تھا مجھے
جھونکا ہَوا کا درسِ پَذِیرائی دے گیا

کیوں کر نہ زندگی سے زیادہ عزیز ہو !
محسن ! یہ زخم بھی تو مِرا بھائی دے گیا

محسن نقوی
..................

pal bhar ko mil kay ajr-e-shinaasaii de gaya
ik shakhs , aik umr kii tanhaii de gaya

aya tha shauq-e-chara'gari meN koi, magar
kuch aur dil kay zakham ko gehraii de gaya

bichRa, to dosti kay asaa'say bhi buT ga'ay
shuhrat woh lay gaya, mujhe ruswaii de gaya

kis ki ba'rahNgi tiri poshaak ban ga'ee
kis ka lahu tha jo tujhe raunaaii de gaya

ab gin raha hooN chaak-e-girebaaN ki dhajiyaaN
deewaangi ka shauq yeh daanaii de gaya

tere badan ka lams kahaaN yaad tha mujhe
jhoNka hawa ka dars-e-pazeeraii de gaya

kiyuNker na zindagi se ziadah azeez ho
Mohsin, yeh zakhm bhi to mira bhaaii de gaya

Mohsin Naqvi