Yeh Jafa-e-gham ka chara, woh nijat-e-dil ka alam
Tera husn Dast-e-Essa, Teri Yaad Roo-e-Maryam
Dil-o-jaan fida-e-raah hai kabhi aa ke dekh hamdam
Sar-e-koo-e-dil figaraan shab-e-aarzoo ka alam
Teri deed se siwa hai tere shoq main baharaan
Woh chaman jahan giri hai teri gaisoun ki shabnam
Yeh ajab qayamatain hain teri rehguzar main guzraan
Na hua ke mar mitain ham. na hua ke jee uthain ham
Lo suni Gayi hamari you phirey hain din ke phir se
Wohi gosha-e-qafas hai, wohi fasl-e-gul ka matam
Faiz Ahmed Faiz
