Mera Daaman to saaf tha Laikin
Sheher Sara Khilaaf Tha Laikin
Ik Pari ki mujhe Bhi Chah Rahi
Darmiaan Koh Qaaf tha Laikin
Pyar tha uss ki zaat Se Gehra
Soch se Ikhtelaaf tha Laikin
Ye alag hai Gilay Rahe uss se
Zindagi ka tawaaf tha Laikin
Ankh ki jhalron pe Shabnam thi
Qehqahaa Washgaaf tha Laikin
Dhoop lamhon mein Saibaan mera
Barf Rutt mein Lehaaf tha Laikin
Mujh pe Taazeer Lag gai "Ashar"
Jurm uss ka muaaf tha Laikin...!!!
