Goya andaz-e-shahana hy ameeron jesa
Mere andar ka hy insan faqeeron jesa

Hum ne chehre pe saja rakhi hy ronaq lekin
dil ka aalam hy k weeran jazeeron jesa

Us k ausaf-o-khasail ne mujhe jeet lya
Mere mureedon me tha shakhs wo peeron jesa

is se pehle thi aseeri b rehaai jesi
Ab k aazadi me hy haal aseeron jesa

Usko ganwa k hain khasary ab tak “MOHSIN“
Wo jo ik shakhs mere sath tha Heeron jesa..