ہم کو مِٹا سکے یہ زمانے میں دَم نہیں
ہم سے زمانہ خود ہے، زمانے سے ہم نہیں
بے فائدہ الم نہیں، بیکار غم نہیں !
توفیق دے خُدا، تو یہ نعمت بھی کم نہیں
میری زباں پہ شکوہٴ اہلِ ستم نہیں
مجھ کو جگادِیا، یہی احسان کم نہیں
یا رب! ہجوم درد کو دے اور وُسعتیں
دامن تو کیا ابھی مِری آنکھیں بھی نم نہیں
شکوہ تو ایک چھیڑ ہے، لیکن حقیقتاََ
تیرا سِتم بھی تیری عِنایت سے کم نہیں
اب عِشق اُس مقام پہ ہے جُستجُو نوَرد
سایہ نہیں جہاں، کوئی نقشِ قدم نہیں
مِلتا ہے کیوں مزہ ستمِ روزگار میں !
تیرا کرَم بھی خود جو شریک ستم نہیں
زاہد! کچھ اور ہو نہ ہو میخانہ میں، مگر
کیا کم یہ ہے، کہ فتنۂ دیر و حرَم نہیں
مرگِ جگر پہ کیوں تِری آنکھیں ہیں اشک ریز؟
اِک سانحہ سہی، مگر اِتنا اہم نہیں
جگرمُرادآبادی
....................
hum ko miTa sakay ye zamanay meN dam nahiN
hum say zamana khud hai, zamanay say hum nahiN
be'faaidah alam nahiN, be'kaar gham nahiN
taufeeq de khuda, to yeh maumat bhi kam nahiAN
meri zabaaN pe shikwa-e-ehl-sitam nahiN
mujh ko jaga diya yahii ehsaan kam nahiN
ya rab hujoom-e-dard ko de aur wus'ataiN
daaman to kya abhi mirii aaNkheN bhi nam nahiN
shikwa to aik chhaiR hai,laikin haqeeqatan
tera sitam bhii teri inayat say kam nahiN
ab ishq us muqaam per hai justujoo'naward
saaya nahiN jahaaN, koi naqsh-e-qadam nahiN
milta hai kiyuN maza sitam-e-roazgaar meN
tera karam bhi khud jo shareek-e-sitam nahiN
zaahid kuch aur ho na ho maikhaanay meN, magar
kya kum ye hai, keh fitna-e-deer-o-haram nahiN
merg-e-jigar pe kiyuN tiri aaNkheN haiN ashk'raiz
ik saanaha sahi, magar itna aham nahiN
