Gul-badan shokh wo fiza si hai
Pyari mashooq
dil-ruba si hai

Us k armaaN hain dharkanain dil ki
Dil ki hasrat hai wo
dua si hai

Saary aalam se hai juda dil-kash
Khushbu
khushrang
wo hina si hai

wo hai masoom
dil-fareb uski
Saadgi b to ek adaa si hai

Uth'ti nazron se hai wafa zaahir
Jhukti palkon me ek haya si hai

Mera dil hi nahi us se do-chaar
Mujhse wo b to Aashna si hai

Ishq yoN hi nahi hua Jana...
Baat us me her ek
juda si hai...!