Her Be-Zabaan Ko Shola-Nawaa Keh Liya Kro
Yaaro Sakoot Hi Ko
Sadaa Keh Liya Kro

Khud Ko Faraib Do K Na Ho Talkh-Zindagi
Hr Sangdil Ko Jaan-e-Wafa Keh Liya Kro

Gar Chaahty Ho Khush Rahain Kuch Bandagaan-e-Khaas
Jitny Sanam Hain UnKo Khuda Keh Liya Kro

Insan Ka Agr Qad-o-Qaamat Na Barh Sky
Tum Usko Nuqs-e-Aab-o-Hawa Keh Liya Kro

Apne Lye Ab Ek Hi Raah-e-Nijaat Hai
Hr Zulm Ko Raza-e-Khuda Keh Liya Kro

Ly Dy K Ab Yehi Hai Nishaan-e-Ziyaa “Qateel”
Jab Dil Jaly To usKo Diya Keh Liya Kro