Aansoun ka Rizq hon gi

Bastiyon me ek sadaa-e-be'sada reh jaye gi
Baam-o-dar pe naksh
tehreer-e-hawa reh jaye gi

Aansoun ka Rizq hon gi be'nateeja chaahatain
khushk honton pr larazti
ek Dua reh jaye gi

ro-ba-ro manzar na hon to aainy kis kaam k
hum nahi hon gy to dunia
gard-e-pa reh jaye gi

khwab k nashy me jhukti jaye gi chashm-e-qamar
raat ki ankhon me pheli
ilteja reh jaye gi

be-samar pholon ko choomain gy saba k sabz lab
dekh lena ye khizaan
be-dast-o-pa reh jaye gi