Tum kon ho

tum asal ho ya khwab ho
tum kon ho
tum meher ho mahtaab ho
tum kon ho

jo ankh b dekhe tumhain
sar'sabz ho
tum is kadar shadaab ho
tum kon ho

tum lab ba'lab
tum dil ba'dil
tum jan ba'jan
ek nasha ho ek khwab ho
tum kon ho

jo dast-e-rehmat ne mere dil pr likha
tum ishq ka wo baab ho
tum kon ho

main hr ghari ek pyas ka sehra nya
tum taza'tar ek aab ho
tum kon ho

main kon hon
wo jis se milny k lye
tum har nafs betaab ho
tum kon ho

main to abi barsi nahi
2 boond b
tum rooh tak seraab ho
tum kon ho

ye mosam-e-kamyabi-e-gul
kal b tha
tum aaj b nayab ho
tum kon ho

chooty ho dil kuch is trha
jese sadaa ek saaz pr mizraab ho
tum kon ho

dil ki khabar dunia ko hy
tum ko nahi
kese mere ehbaab ho
tum kon ho

wo ghar hon main
jis k nahi deewaar-o-dar
us ghar ka tum asbaab ho
tum kon ho

ae chahny waly is ehd me
mera bohat adaab ho
tum kon ho