Kitni sham'main roshan hon gi
kitny deep jalao gi
Pyar ki pehli saal'girah tum
kis k sath manao gi

Main to rukhsat ho hi raha tha
aaj tumhari galiyon se
Ab tum kis k sath raho gi
kis ka sath nibhao gi

Akhir wo din kab aye ga
jab khalwat me mujh se tum
Mere dil ka haal suno gi
apna haal sunao gi

Farz kro agr bad-e-furqat
main tum ko mil jaon to
Hyrat me par jao gi
ya seenay se lag jao gi

Theek hy tum louta do mujh ko
mere tohfy or khatoot
Lekin jo din pyar me guzry
wo kese loutao gi

Ho jao tum laakh ksi ki
lekin phr b jana tum
Mujh se hi mansoob raho gi
meri hi kehlao gi