wo jo mehev thy sar-e aaina
pas-e aaina b to dekhte
kabi roshni me wo teergi
ko chhupa hua b to dekhte

sar-e-aab jo raha tishna lab
to ye zabt-e gham ki hy inteha
mere haal pe jo thy nuqta'cheen
mera hosla b to dekhte

wo utar gye thy jo paar khud
mujhe beech bhanwar me chor kr
tha jo un me itna hosla
mujhe doobta b to dekhte

jinhain mujh se hy ye gila k main
raha be'nyaz-e-khaloos-o-rabt
mere gird rasm-o-riwaj ka
kabi daaira b to dekhte

wo meri hansi se hain khush'gumaan
k nishat-e-zeest hy mudda'aa
mere ashk-e-ghum ka ruka hua
kabi qaafila b to dekhte

hon saza k bad b mohtaram
to hain hairaton me ye log Q
zara zehr-e-haq ka meri trha
kabi zaiqa b to dekhte