sitam me kon kry ga muqabla uska
k zakhm bharta nahi hy diya hua uska

Asool pr wo muhabbat ko waar betha tha
alag tha saary jahan se muamla uska

mujhe hy mouj-e-toofan ka darr
usy Q ho...
safina uska
bhanwar uska
Na'Khuda uska

andheri shab jisy soty me choor aya ta
main din charhy kron kis trha samna uska

wo ru'baroo mere anjaan ban gya kesa
main dekh dekh k hairan hon hosla uska

jo tujh pe apni wafain luta gya chup chap
kabi khyal b aya
ae bewafa uska...

ye raah choor chuka hon
wo jhoot kehta tha
abi b raah pe taaza hy naqsh-e-pa uska