Inhi pattharoN pe chal kr agr aa sko to aao

koi hum'nafas nahi hy
koi raazdaaN nahi hy
faqat ek dil tha apna
so vo meh’rbaaN nahi hy

ksi or Gham me itni
Khalish-e-nihaN nahi hy
Gham-e-dil mera rafeeqo
Gham-e-raye'gaaN nahi hy

meri rooh ki haqeeqat
mere aNsuoN se pocho
mera majlisi tabassum
mera tarjumaN nahi hy

ksi aaNkh ko sadaa do
ksi zulf ko pukaro
baRi dhoop paR rahi hy
koi saaye'baaN nahi hy

inhi pattharoN pe chal kr
agr aa sko to aao
mere ghar k raasty me
koi kehkashaaN nahi hy