mere humsafar
teri nazr hain
meri umr bhar ki ye dolatain...
mere shair
meri sadaktain
meri dharkanain
meri chaahtain

tujhe jazb kr lon laho me main
k firaak ka na rahy khatar
teri dharkano me utaar don
main ye khwab khwab rafaqtain

ye rida-e-jan tujhe soonp don
k na dhoop tujh ko kari lgy
tujhe dukh na dain mere jeety G
sar-e-dasht-e-gham ki tamazatain

moi aisi bazm-e-bahar ho
main jahan yakeen dila skon
k tera hi naam hy fasl-e-gul
k tujhi se hain ye karamatain

tera karz hain mere roz-o-shab
mere paas apna to kuch b nahi
meri rooh
meri mataa-e-fun
meri saans teri amnatain