saheefon me muqaddar k likha
is zaat ka dukh hy
mujhe dunia me jo dukh hy
inhi safhaat ka dukh hy

mujhe milny se pehle kho gya
to ye mujhe dukh hy
hazaron maat jheli hain
mgr is maat ka dukh hy

kabi pocha jo us ne dukh mera
to keh diya main ne
azl se pyasi miti hon
mujhe barsat ka dukh hy

ye din to jese b kat jaye ga
dhal jaye ga akhir
mujhe to raat ka dar hy
mujhe to raat ka dukh hy

wo jis ki chah me barbad
main ne kr liya khud ko
faqat itna kaha us ne
tere halaat ka dukh hy

mere jazbon ki ungli choor kr
dil pe zakham rakha
mujhe dil ki nahi parwah
mujhe jazbat ka dukh hy

teri ankhain kahain kuch b
mujhe uski nahi parwah
tere lehje ne kehdi jo
mujhe us baat ka dukh hy