Maqrooz k bigry hoe halaat ki manind
Majboor k honton pe sawalaat ki manind

Dil ka teri chahat me ajab haal hoa hy
Selaab se barbaad makanaat ki manind

Main un me bhatakty hoe jugno ki trha hon
Us shakhs ki ankhain hain ksi raat ki manind

Dil rooz sajata hon
main dulhan ki trha se
Gham roz chaly aaty hain baraat ki manind

Kis darja muqaddas hy tere qurb ki khwahish
Masoom se bachy k khyalaat ki manind

Us shakhs se milna mera
mumkin hi nahi hy
Main pyaas ka sehra hon
wo barsat ki manind