tumhare bad is dil ka khandar acha nahi lagta
jahan roonaq nahi hoti
wo ghar acha nahi lgta

nya ek humsafar chaahon
to aasani se mil jaye
mgr mujhko ye andaz-e-safar acha nahi lgta

khuli chat pr b ja kr
chaand se kuch guftago kr lo
ghazal kehna pas-e-deewar-o-dar acha nahi lgta

musalsal guftago b apni wehshat ko barhati hy
musalsal chup b koi humsafar acha nahi lgta

musav'vir
tasveer achi hy
lekin kya kiya jaye
shajar humko to be'barg-o-samar acha nahi lgta

khad-o-khaal
qad-o-kaamat
ba'zaahir pehle jese hain
wo jesa pehle tha
ab us kadar acha nahi lgta