tum apne seeny mr gham na bharna
or apni ankhon ko tar na krna
jo umr bhar sath chal na paye
kabhi usy hum'safar na krna

safar khushi ka ho ya ghamon ka
k moot ki akhri dagar ka
tumhain qasam hai baghair mere
kabi b koi safar na krna

wo aaj aye to noor bikhra
chiragh twaqon me jag'magaye
ye raat aai hai mushkilon se
mere Khuda ab seher na krna

jo maangna hy Khuda se mango
wohi banata hy qismaton ko
har ek dar pe jabeen jhuka kr
naseeb ko dar'ba'dar na krna

kabi na tooty ye aas meri
bujha de zam zam se pyas meri
mere Khuda ye dua hai meri
meri dua be-asar na krna