Na inteshar ka khatra
na inhedaam ka hy

ye marhala to tabahi
k ekhtetaam ka hy

jo khatm ho gya rishta
wo dosti ka tha
jo bach gya hy ta'luq
wo inteqaam ka hy

hr ek lamha ajab
khof-e-be'panahi ka
hamare ehd me ye rang
subh-o-sham ka hy

bachain kis trah
balwayion se basti ko
mohafizon ka irada
b qatl-e-aam ka hy

ye buzdili hy k
hoty hain phol un k lye
wo jin k hath me khanjar
hamary naam ka hy

safar hy dasht ka
or raat ho gai 'Alam'
hamare samny ab
mas'ala qyam ka hy