Zuban-e-hind hy urdu
to maathy ki shikan q hy
Watan me bewatan q hy

Meri mazlom urdu
teri sanson me ghutan q hy
Tera lehja mehkta hy
to lafzon me thakan q hy
Agr tu phol hy to
phol me itni chubhan q hy
Watan me bewatan q hy

Ye Na'nak ki
ye Khusro ki
Dayaa Shankar ki boli hy
Ye Divali
ye Be'sakhi
ye EID UL FITR
Holi hy
Mgr ye dil ki dharkan
aaj kal dil ki jalan q hy
Watan me bewatan q hy

Ye nazon sy pali thi
Meer k Ghalib k aangan me
Jo soraj bn k chamki thi
kbi mehlon k daman me
Wo shehzadi zubanon ki
yahan be'anjuman q hy
Watan me bewatan q hy

Muhabbat ka sbhi elan
kr jaty hain mehfil me
K is k wasty jazba hy
hamdrdi ka hr dil me
Mgr haq mangny k waqt
ye begana'pan q hy
Watan me bewatan q hy

Ye dosheeza
jo bazaron sy ithlati guzarti thi
Labon ki nazuki
jiski gulabon si bikhrti thi
Jo tehzeebon k sir ki
orhni thi ab kafan q hy
Watan me bewatan q hy

Muhabbat ka agr dawa hy
to isko bachao tum
Jo wada kal kiya tha
aaj wo wada nibhao tum
Agr tum Raam ho
to phr ye Ravan ka chalan q hy
Watan me bewatan q hy