meri talab
meri ruswaiyon k bad khula
wo kam sukhan
sukhan aaraiyon k bad khula

wo mere sath b
or mujh sy ham'kalam b hy
ye ek umr ki tanhaiyon k bad khula

main khud b tere andhairon pe munkashif na hua
tera wjod b parchaiyon k bad khula

ajab tilism-e-khamoshi tha ghar ka sanata
jo baam-o-dar ki shanasaiyon k bad khula

main aab-o-khaak sy manoos tha kya krta
dar-e-qafas meri binaiyon k bad khula

mujhe to jang behr haal jitni thi mgr
nya mahaz hi paspaiyon k bad khula

mujhe b tangi-e-aafaq ka gila hy SALEEM
ye bhaid mujh pe b gehraiyon k bad khula