is sheher mein aesi bhi qayamat na hui thi,
tanha the magar khud se to wehshat na hui thi,

ye din hai ke yaaron ka bharosa bhi nahin hai,
wo din the ke dushman se bhi nafrat na hui thi,

ab saans ka ehsaas bhi ek baar-e-giraan hai,
khud apne khilaaf aesi baghawat na hui thi,

ujray hue is dil ke har ik zakhm se pucho,
is sheher mein kis kis se muhabbat na hui thi,

ab tere qareeb aa ke bhi kuch soch raha hun,
pehle tujhe kho kar bhi nadamat na hui thi,

khuwabon ke hawa raas thi jab tak mujhe Mohsin,
yun jaagte rehna meri aadat na hui hui