Wisaal-o-hijr ka mousam Usi ka mousam hai

Guzar rahay hain jo mujh pe azaab, Us k hain
Keh meri chashm-e Tamanna main khwab Us k hain..

Main zakhm zakhm hun mera naseeb hain kantay
Wo rang rang ha, saaray Gulaab us k hain..

Kitaab meri, qalam mera, soch bhi meri
Magar jo likhay hain main ne wo baab Us k hain

Nahi hai meray muqaddar ka aik bhi taara
Ye kehkashan ye maahtaab Us k hain

Wisaal-o-hijr ka mousam Usi ka mousam hai
Sawaal meray hain shayed jawaab Us k hain

Wo meri zaat ka ik Mustanid hawaala hai
Kitaab-e -ishq k saaray Nissaab Us k hain..