Umeed-o-wehem k mehwar se hat k dekhte hain
Zara si dair ko
dunia se kat k dekhte hain

Bikhar chuky hain bohat
baagh-o-dasht-o-darya me
Ab apne hujra-e-jaan me simat k dekhte hain

Tamam khana-badoshon me mushtarik hai ye baat
Sab apny apny gharon ko palat k dekhte hain

Wohi hai khwab jisy mil k sab ne dekha tha
Ab apny apny qabeelon me bat k dekhte hain

Suna ye hai k subak ho chali hai qeemat-e-harf
So hum b ab
qad-o-qamat me ghat k dekhte hain