Gham-e-Aashiqi Se keh Do
Raah-e-Aam Tak Na Pohnchy
Mujhe Khaof Hai Ye Tuhmat Mere Naam Tak Na Pohnchy

Main Nazar Se Pee Rahaa Tha 
To Ye Dil Ne Bad-Dua Di
Tera Haath Zindgi Bhar kabi Jaam Tak Na Pohnchy

Nai Subha Pr Nazar Hai 
Mgr Aah... 
Ye B Darr Hai
Ye Sahar B Rafta Rafta
kahin Shaam Tak Na Pohnchy

Wo Nawaa-e-Muzmahil kya
Na Ho Jis Me Dil ki Dharkan
Wo Sadaa-e-Ehl-e-Dil kya
Jo Awaam Tak Na Pohnchy

Unhy Apne Dil ki Khabrain
Mere Dil Se Mil Rahi Hain
Main Jo Un Se Rooth Jaon
To Payaam Tak Na Pohnchy

Ye Adaa-e-Beniyazi
Tujhe Bewafaa Mubaarak
Mgr Aisi BeruKhi kya
K Salaam Tak Na Pohnchy