Wafa ki kon si manzil pe us ne choora tha

tere badan se jo cho kr idhar b aata hy
misaal-e-rang wo jhoonka nazar b aata hy

tamaam shab jahan jalta hy ek udaas diya
hawa ki raah me ek aisa ghar b aata hy

wo mujh ko toot k chaahy ga choor jaye ga
mujhe khabar thi usy ye hunar b aata hy

wafa ki kon si manzil pe us ne choora tha
k wo to yaad humain bhool kr b aata hy

jahan lahoo k samundar ki had thehrti hy
wahin jazeera-e-lal-o-gohar b aata hy

chaly jo zikr farishton ki paarsaai ka
to zair-e-behes maqam-e-bashar b aata hy

kabi kabi mujhe milny bulandiyon se koi
suaa-e-subh ki sorat utar b aata hy

isi lye main kisi shab na so ska Mohsin
wo Maahtaab kabi baam pr b aata hy

 

تیرے بدن سے جو چھُو کر اِدھر بھی آتا ہے
مثالِ رنگ وہ جھونکا نظر بھی آتا ہے

تمام شب جہاں جلتا ہے اِک اُداس دیا
ہَوا کی راہ میں اِک ایسا گھر بھی آتا ہے

وہ مجھ کو ٹوٹ کے چاہے گا چھوڑ جائے گا
مجھے خبر تھی اُسے یہ ہنر بھی آتا ہے

وفا کی کون سی منزل پہ اُس نے چھوڑا تھا
کہ وہ تو یاد ہمیں بھول کر بھی آتا ہے

جہاں لہُو کے سمندر کی حد ٹھہرتی ہے
وہیں جزیرئہ لعل و گُہر بھی آتا ہے

چلے جو ذکر فرشتوں کی پارسائی کا
تو زیرِ بحث مقامِ بشر بھی آتا ہے

کبھی کبھی مجھے ملنے بلندیوں سے کوئی
شعاعِ صبح کی صورت اُتر بھی آتا ہے

اِسی لیے میں کسی شب نہ سو سکا محسنؔ
وہ ماہتاب کبھی بام پر بھی آتا ہے