Tanha Ghar Se Bahir Jana Theek Nahi
Tum Masoom
Ho or Zamana Theek Nahi

Saaf Dilon Ko Phir Se Mela Kr Dain Gi
Guzri Baton Ko Duhrana Theek Nahi

Aisi Cheezain Door Se Achi Lagti Hain
Chaand Ko Apne Paas Bulana Theek Nahi

Aao Mere Haath Pe Apna Haath Rakho
Saail Ko Khali Haath Lutana Theek Nahi

Rafta Rafta Tabeerain Beh Jatin Hain
Num Ankhon Me Khwab Sajaana Theek Nahi

Choor Dost In Pathar Dil Insano Ko
Apne Dil Ka Haal Sunana Theek Nahi