Aaj hi yaad wo aya hy bari shiddat se
aaj hi hum ko faraaghat hy
KHUDA KHAIR KRY...

qalb-o-qaalib na pighal jaain
kahan mumkin hy
pehle boosy ki haraarat hy
KHUDA KHAIR KRY...

ek taraf shook-e-mulaqat hy or ek taraf
meri umron ki riyazat hy
KHUDA KHAIR KRY...

is ka anjaam bahar-toor tabahi hoga
teri apno se baghawat hy
KHUDA KHAIR KRY...

ye mera shooq-e-shahadat
ye giraan baari-e-taigh
us k hathon me nazakat hy
KHUDA KHAIR KRY...