Dil lagany ki baat hy saari
Jaan se jany ki baat hy saari

Sab parindon ki waapsi ho gi
Raat chaany ki baat hy saari

Teri Soorat to bus munasib hy
Dil k aany ki baat hy saari

Bheer me jo lga hy teer mujhe
Ye nishaany ki baat hy saari

Khwaab main wo zaroor milty hain
Neend aany ki baat hy saari

Zindagi kya hy
kuch nahi logo
Aany jaany ki baat hy saari

Naam ly kr nawaazty hain wo
Yaad aany ki baat hy saari

Tum b to yaar choor jao gy
Aazmaany ki baat hy saari...