bhari mehfil me tanhai ka aalam dhoond leta hon
jahan jata hon apne dil ka mosam dhoond leta hon

akela khud ko jab mehsoos krta hon kisi lamhy
kisi umeed ka chehra
koi gham dhoond leta hon

bohat hansti nazar aati hain jo ankhain sir-e-mehfil
main un ankhon k peeche
chashm-e-purnam dhoond leta hon

galy lag kr kisi k chahta hon jab kabi roona
shikasta apne jesa
koi humdam dhoond leta hon

Calender se nahi mashroot mere raat din SAAJID
main jesa chahta hon
wesa mosam dhoond leta hon