Woh tera ankh bhar kay mujhay dekhna,
Woh tera dekhna he kamal tha,
Meri justajo kay ahsas par,
Tera lamss bhi tu baymisal tha,

Meray saray jazboon ki dilkashi,
... Teray ashiyan pay aa kay simat gai,
Gar main ruk na jata iss taraf,
Tu meri hasti pay phir zawal tha,

Teray husan ki sari tajalliyan,
Kaisy ho gayen mujh pay mehrban,
Meray zehan kay nihan khanon main,
Yehi chupa howa ik sawal tha,

Woh jo chaltay chaltay they mil gaye,
They meri chahatoon kay silsalaye
Jo tera sang na milta mujhy,
Tu pher jena mera muhal tha