Labb-e-khamosh se izhaar-e-tamanna chaahain
Baat krny ko b tasveer ka lehja chaahain

tu chaly saath to aahat b na aye apni
darmiyaan hum b na hon
yon tujhe tanha chaahain

zahiri ankh se kya dekh sky ga koi
apne baatin pe b hum faash na hona chaahain

jism-poshi ko mily chaadar-e-aflaak humain
sir chupaany k lye
wus'at-e-sehra chaahain

khwab me roein to ehsaas ho sairaabi ka
rait pr soin mgr
ankh me darya chaahain

bhaint charh jaon na main
apne hi khair-o-shar ki
khoon-e-dil zabt kry
zakhm tamasha chaahain

zindagi ankh se ojhal ho mgr khatam na ho
ek jahan or
pas-e-parda-e-dunia chaahain

aaj ka din to chalo kat gya
jese b kataa...
ab Khuda'wand se kheriyat-e-farda chaahain

aisy tairaak b dekhe hain " Muzaffar " hum ne
gharq hony k lye b jo sahara chaahain