Gham-E-Zindagi Tera Shukria
Tere Faiz He Se Ye Haal Hai
Wohi Subh-O-Shaam Ki Uljhanain
Wohi Raat Din Ka Wabal Hai

Na Chaman Me Boo-E-Saman Rahi
Naa He Rang Lala-O-Gul Raha
Tu Khafa Khafa Sa Hai Waqai
K Ye Srf Mera Khayal Hai

Main Ghamon Se Hon Jo Yon Mutmain
Jo Bura Na Maniye To Main Kahon
Tere Husn Ka Nahi Faiz Kuch
Meri Aashqi Ka Kamal Hai

Hai Ye Aag Kese Lagi Hoi
Mere Dil Ko Aaj Hoa Hai Kya
Jo Hai Gham To Hai Gham-E-Arzo
Agr Hai To Fikr-E-Visaal Hai

Koi Kaash Mujh Ko Bata Sky
Rah-O-Rasm Ishq Ki Uljhanain
Wo Kahy To Baat Paty Ki Hai
Main Kahon To Khaam Khayal Hai

Ye Bata K Kya Hai Tujhe Hoa
Paye Ishq Sarwar Ghumzdaa
Na Wo Mastiyan
Na Wo Shokhiyan
Na Wo Haal Hai
Na Wo chaal Hai..