kya aatsh-e-ulfat hai
bayaan ho nahi skta
ho jaain gy hum raakh dhowan ho nahi skta

muthi me bhala Qaid hoi hy kabi khushbo..??
Ye raaz-e-muhabbat hy
nihaan ho nahi skta

toota hy falak
ya kahin toota hy koi dil
younhi to kahin shoor fighaan ho nahi skta

Qismat se hi banta hy koi shaair-o-funkaar
her shakhs se ye kaar-e-giraan ho nahi skta

ghar kr gye dil me wo
kuch is trah se raaghib
khaali kabi ab dil ka makaan ho nahi skta