vo chanchal albeli laRki
meri nazmeN yoN paRhti hai jese
uski apni zaat nahi hai
yaani itni sundar laRki
aur koi b ho sakti hai!
 
saari ghataaiN uski haiN
hr aahaT hai uski aahaT
sab saaye haiN us k saaye
saary mehmal us k haiN
hr Khushbu hai uski Khushbu
sab chehre haiN us k chehre
saary aanchal us k haiN
saary naam usi k haiN
hr khiRki hai uski khiRki
saary baam usi k haiN
us laRki k naam se jo kuCh
maiN ne apne naam likha hai
us se hi mansoob hua hai
mujh se nazraiN mil jaaiN to
vo sharmaany lagti hai
kuCh lamhy vo chanchal laRki
gum-sum sii ho jaati hai
lekin thoRi dair me phir se
pathar ki ho jaati hai