Tumhary or hamary ishq ki bunyaad December
Humain acha nahi lagta tumhary baad December

Koi apna zaroor us ka
khizanai rut me bichra tha
Wo jis ki akhri hichki me thi faryaad December

Kabi ye dard k anso jo palko pr hi jam jaain
To dil me siskiyaan leta hai ik barbad December

Ye dy ga barf ki poshaak uryaan kr k peeron ko
Misaal-e-hijr krta hai
sitam ijaad December

Bichar kr surkh phoolon ki
rutain weeran kr gya
Wo jis k damm se hota tha kabi aabaad December

Nahi mumkin k tum ko yaad na aye ye bheegi shaam
Tumhain barson rulaye ga
hamary bad December

Nahi maloom kya tum ko k jab tum muskurati ho
To jana muskura deta hy ye nashaad December

Tamana hai isi barfaab rut me dafan ho jaon
Zamana bhool b jaye
kry ga yaad December