Dil yon dharka k koi pareshan hoa ho jese
koi be-dhiyani me nuqsan hoa ho jese

Rukh badalta hon to sheh-rag me chubhan hoti hy
ishq b jang ka maidan hoa ho jese
 
 jism yon lams-e-rafaqat k asar se nikla
Dosry door ka samaan hoa ho jese

Dil ne yon phir mere seeny me faqeeri rakh di
Toot kr khud hi pashemaan hoa ho jese
 
 Thaam kr haath mera aisa wo roya "Mohsin"
koi kafir se musalman hoa ho jese