Khoob Krty Ho Dil Lagi Sahaab
Aur Us Pr Ye Be-Rukhi Sahaab
Pyar or Wo B Hum Krain Tum Se ?
Ham Ko Pyari Hai Zindagi Sahaab
Ab Wo Saanson Ka Silsila B Nahi
Le Lo Jo Hain Bachi Kuchi Sahaab
Tum Jataty Ho Pyar Vyar Mgr
Hum Ko Lgty Ho Ajnabi Sahaab
Is Me Kuch Aap Ka B Hissa Hai
Ye Jo Palkon Pe Hai Nami Sahaab
Ye Andheron Ka Ik Tamaasha Hai
Aap Kehte Ho Roshni Sahaab
Ab Wo Qisson Me Mil Sakain Shayd
Pehle Hooty Thy Aadmi Sahaab
Aaj Kal Ho Kis K Chakkar Me ?
Baat Logo Se Ye Suni Sahaab
Aap Hain Bawafa, To Yon Hi Sahi
Aap Ki Baat Maan Li Sahaab
Tum Ko Bhooly To Ye Lga Ham Ko
Dard Me Kuch Hoi Kami Sahaab
Dushmani Ne Thakaa Diya Ham Ko
Ham Se Kr lo Ab Dosti Sahaab
Baat Kya Hai Jo Khaaye Jaati Hai
Tum Ne Poochi Na Kuch Kahi Sahaab
