Mera naam tere labon pe ho
mera zikr dil se kiya b kr
tu jafa shuaar mizaaj ko
kabi aahna-e-wafa b kr

teri yaad me
teri chaah me
mujhe chain hai na qarar hai
meri yaad me
meri chah me
zara be-qarar hoa b kr

teri justaju
teri arzo
meri zindagi ki namood hai
meri justajo
meri arzo
kabi zindagi me kiya b kr

wo jo raasta
wo jo moor tha
jahan pehli baar mily thy hum
usi raasty
usi moor pr
kisi shaam aa k mila b kr

teri raah me
tere sath me
chala ja raha hon qadam qadam
meri raah me
mere sath me
kabi do qadam tu chala b kr

tera waasta
tera rasta
mere dil nazar se juda nahi
mera wasta
mera rasta
kabi dil nazar me rakha b kr

ye nisaab-e-maktab-e-ishq hai
tu shareek-e-dars hoa... to sun
main likha kron
tu parha kry
main parha kron
tu likha b kr