Bhula De Usay Jo Baat Ho Gai Piyare
Naye Charagah Jala Raat Ho Gai Piyare,
Teri Nigah-e-Pashemaan Ko Kaise Dekhonga
Kabhi Jo Tujh Se Mulaqaat Ho Gai Piyare,
Na Teri Yaad, Na Duniya Ka Gham, Na Apna Khiyal
Ajeeb Soorat-e-Haal Ho Gai Piyare,
Udas Udas Hain Shama`ein Bujhe Bujhe Sagar
Yeh Kaisi Shaam-e-Kharabaat Ho Gai Piyare,
Kabhi Teri Yaadon Ki Sanwli Rutt Mein
Bahe Jo Ashk To Barsaat Ho Gai Piyare,
Wafa ka Naam Na Le Ga Koi Zamaane Mein
Hum Ehl-e-Dil Ko Agar Maat Ho Gai Piyare,
Tumhen To Naaz Boht Doston Pe Tha "Jalib"
Alag Thalag Se Ho, Kiya Baat Ho Gai Piyare
