Kesa maftooh sa manzar hy
kai sadyon se
mere qadmon me mera sir hy
kai sadyon se

khoof rehta hy k
sailab na le jaye kaheen
meri palkon pe tera ghar hy
kai sadyon se

us k paani me b pehla sa wo thehrao nahi
ye jo bechain samundar hy
kai sadyon se

ashk ankhon me sulagty hue
so jaty hain
ye meri ankh jo banjar hy
kai sadyon se

kon kehta hy mulaqat meri aaj ki hy
tu meri rooh k andar hy
kai sadyon se

main ne jis k lye har shakhs ko naraz kiya
rooth jaye na yehi dar hy
kai sadyon se

uski aadat hy
jarain kaat'ty rehne ki WASI
jo meri zaat ka mehwar hy
kai sadyon se