Koi nai choot phr se khaao
udas logo
kaha tha kis ne k muskurao
udas logo

guzar rahi hain
gali se phr
maatmi hawaain
kawaar kholo
diye bujhao
udas logo

jo raat maktal me baal khooly utar rahi hy
wo raat kesi rahi
sunao
udas logo

kahan talak
baam-o-dar charaghan kiye raho gy
bicharny walon ko bhol jao
udas logo

ujaar jungle
dari fiza
haanpti hawaain
yahin kahin
bastiyan basao
ujaar logo

ye kis ne sehmi hoi fiza me
humain pukara
ye kis ne awaz di k aao
udas logo

usi ki baaton se hi tabiyat sambhal sky gi
kahin se Mohsin ko dhoond lao
udaas logo...