Teri Yaad Vird-e-Zabaan Hoi
To Ajeeb Rang Dikha Gai
Kabi Ashk Ankh Me Aa Gye
Kabi Leher Dil Me Sama Gai

Ye Jo ek Shab Ka Hijab Hy
Isy Darmiyan Se Hata Kabi
K Tulo-e-Subha Ki Arzo
Meri Kitni Neenden Ura Gai

Mere Zoq-e-Sajda K Samny
Mera Koi Gham Na Theher Ska
Wohi ek Lamhy Ki Hazri
Meri Hr Khalish Ko Mita Gai

Mere Ghar Se Tere Makaan Tak
Ye Wohi Sunehre Gulaab Hain
Jinhain Ansuon Ki Bahar-e-Nu
Mere Rasty Me Bicha Gai...