Koi be-sabab hi qarar dy
kaheen ye na ho
rag-o-jan me barf utaar dy
kaheen ye na ho

ye mere wajood me pal rahi hy
jo roshni
yehi roshni mujhe maar dy
Kahin ye na ho

mujhe apni shart pe
jeet lene k bad b
ksi maslehat pe wo haar dy
kahin ye na ho

ksi sham us se
charagh ban k milon jo main
mera naam ly k pukaar dy
kahin ye na ho

main basar kron ksi or k
shab-o-roz ko
koi meri umr guzaar dy
kahin ye na ho

ye jo tan k zakhm ko
bhar rahi hy abi hawa
yehi ghaao dil me utaar dy
kahin ye na ho

mujhe zindagi
tere saary zeher azeez hain
koi ek nasha
khumar dy
kahin ye na ho

nahi chahti main
safar k ant ko sochna
koi sahilon pe utaar dy
kahin ye na ho