Ye ishq ne dekha hy
ye aql se pinhan hy
qatry me samundar hy
zarry me baya'baan hy

ae paikar-e-mehboobi
main kis se tujhe dekhon
jis ne tujhe dekha hy
wo deeda-e-hairan hy

so baar tera daman
hathon me mere aya
jab ankh khuli dekha
apna hi girybaan hy

ye husn ki mojain hain
ya josh-e-tamanna hy
us shokh k honton pr
ik barq si larzan hy

"Asghar" se mily lekin
"Asghar" ko nahi dekha
ashaar me sunty hain
kuch kuch wo numa'yaan hy