mujhe di khabar tere shehr se
idhr aany wali hawaoN ne
k bana lye nye daa'iry
teri dharkaNo ki sadaaoN ne

gham-e-dahar ne mere ishq k
baal-o-par hi nooch k rakh dye
maiN uraaN loN b to kese loN
teri arzo ki fizaoN me

na gai meri kabi be'basi
ye ajeeb haadsa muj se hy
wohi fasly tere shehr k
wohi beriyaN mere paaoN me

teri furqaton ki udaas rut
mujhe lamha lamha lye phiri
kabi mere dard ki dhoop me
kabi teri yaad ki chaaoN me

tu hamesha muj me basa rahy
maiN dua khuda se kroN mgr
wo to mil gya ksi or ko
jo asar tha meri duaoN me

wo hy zindgi se b kuch haseen
maiN baghair jis k na ji skooN
jo yahaN nahi to "qateel" usy
kabi jaa miloN ga fizaaoN me