hazoor-e-yaar me harf
iltija k rakhy thy
chiragh saamny jese hawa k rakhy thy

bs ik ashk-e-nadamat ne saaf kr daaly
wo sb hisab jo
hum ne utha k rakhy thy

samoom-e-waqt ne lehje ko zakhm zakhm kiya
wagrna hum ne qareeny saba k rakhy thy

tumhi ne paon na rakha wagrna wasl ki shab
zameen pe hum ne sitary bicha k rakhy thy

bikhar rahy thy so hum ne utha lye khud hi
gulab jo teri khatir saja k rakhy thy

hawa k pehle he jhonky se haar maan gye
wohi chiragh
jo hum ne bacha k rakhy thy

mita ski na unhain roz-o-shab ki barish b
dilon me naqsh jo rang-e-hina k rakhy thy

hasool-e-manzil-e-dunia kuch aisa kaam na tha
mgr jo raah me pathar anaa k rakhy thy...