Log kirdar nibhaaty hoe mar jaty hain

Hum parinday kahin jaty hoe mar jaty hain
dasht me pyas bujhaaty hoe mar jaty hain

hum hain sookhy hoe talaab pr bethe hoe Hans
jo ta'luk ko nibhaaty hoe mar jaty hain

Ghar pohanchta hy koi or hamary jesa
hum tere shehr se jaaty hoe mar jaty hain

kis trah log chaly jaty hain
uth kr chup chaap
hum to ye dhyaan b laaty hoe mar jaty hain

un k b katal ka ilzam hamary sir hy
jo hamain zeher pilaaty hoe mar jaty hain

ye muhabbat ki kahani nahi marti lekin
log kirdar nibhaaty hoe mar jaty hain

hum hain wo tooti hoi kashtiyon waaly Tabish
jo kinaron ko milaaty hoe mar jaty hain