Sahil tamam ashk-e-nadamat se att gya
daria se koi shakhs to pyasa palat gya

lagta hy be'karaan mujhe sehra me asmaan
pohancha jo bastiyon me to khano me bat gya

ya itna sakht jan k talwar be'asar
ya itna narm k rag-e-gul se kat gya

bahoon me aa ska
na haweli ka ik satoon
putli me ankh ki sehra simat gya

ab kon jaye ko_e-malamat ko chor kr
qadmon se aa gye apna hi saya lipat gya

gunbad ka kiya qasoor isy Q kahon bura
aya jidher se teer
udharr hi palat gya

rakhta hy khud se kon hareefana kash'makash
main tha k raat apne muqabil me dat gya

jis ki amaan me hon wohi ukta gya na ho
bondain ye Q barasti hain
badal to chat gya

wo lamha-e-shaoor jisy jaan'kani kahain
chehre se zindagi ki naqabain ulat gya

thokar se mera paon to zakhmi hoa zaror
rasty me jo khara tha
wo kohsaar hat gya

ik hashr sa bapa tha mere dil me ae "Shakeeb"
kholeen jo khirkiyan
to zara shoor ghat gya