Bistar-E-Dil Pe Khoon Uglaty Khwab
Raat Bhar Karvatein Bdlaty Khwab

Waqt Ki Dhoop Reg'zar-E-Hyat
Barf Ki Trah Se Pighalty Khwab

Parda-E-Noor Ban k Chaye Hain
Aansuon Ki Trah Machlaty Khwab

Bikhry Sheeshon Pe Gir K Toot Gye
Neend Me Nangy Paaun Chalty Khwab

Aisi Sunsan Dopeher Me Kahan
Chaand Taaron Ki Trah Chalty Khwab

Ye Hawa-E-Haqiqat-E-Farda
Ye Chiraghon Ki Trah Jalty Khwab